Песни

  • audioandfilm/943572_1444495301.mp3

    Құралай

    Өлеңін жазған: Серік Тұрғынбек
    Әнін жазған: Әсет Бейсеуов
     
    Былдырлаған тілін-ай,
    Еркелеген гүлім-ай
    Жүрегімнің жылуы-ай,
    Жан сезімнің тұнығы-ай.
     
    Қайырмасы:

    Айдын көлдің құрағы-ай,
    Жанарымның шырағы-ай.
    Қаз-қаз басқан құралай,
    Тәй-тәй басқан құралай.
     
    Желбіреген тұлымың,
    Сыңғыр қағып тұр үнің.
    Құмарымды қандырған,
    Қошақандай құлыным.

    Қайырмасы:
     
    Қайың ба екен, тал ма екен?!
    Шекер ма екен, бал ма екен?!
    Дүниеде дәл сендей,
    Тәтті бала бар ма екен?!

    Қайырмасы:

  • audioandfilm/666986_1444495420.mp3

    Біздің ауыл

    Өлеңін жазған: Тұманбай Молдағалиев
    Әнін жазған: Ибрагим Нүсіпбаев
     
    Біздің ауыл тап-таза бұлағы да.
    Ән салады майысып құрағы да,
    Жаз жайлауға барамын демалыста,
    Асау тайдың ойнаймын құлағында.
     
    Қайырмасы:

    Біздің ауыл алма бақ,
    Өрік, жүзім жетеді,
    Сағынарым қайтадан,
    Алатаудың етегі.
     
    Сол ауылға жазда мен ораламын,
    Сағынған соң құшағын жан ананың.
    Бұлт ішінде жүрдім мен биік өрлеп,
    Жазғы орманын жалықпай араладым.

    Қайырмасы:
     
    Біздің ауыл алатау етегінде,
    Құс боп ұшып мен оған жетем күнде.
    Менің атам жүреді қойын бағып,
    Ақ боз аты келеді жетегінде.

    Қайырмасы:
     

  • audioandfilm/42782_1444495570.mp3

    Мен әдепті баламын

    Өлеңін жазған: Әбдірахман Асылбек
    Әнін жазған: Ибрагим Нүсіпбаев
     
    Мені үлкендер әдепті деп мақтайды,
    Мінезімнен теріс қылық таппайды.
    Ал, егер сен жалқау болсаң тілазар,
    Ондай әдет жақсылыққа жатпайды.
     
    Қайырмасы:

    Айтқан тілді аламын,
    Айтқан жерге барамын,
    Мен әдепті,
    Мен әдепті баламын.
     
    Тілін алып кішінің де кәрінің,
    Айтқанынан шығып жүрмін бәрінің.
    Ата-ананың айтқанынан шығуды,
    Әдептілік белгісі деп таныдым.

    Қайырмасы:

  • audioandfilm/302560_1444495712.mp3

    Батырлары елімнің

    Өлеңін жазған: Ибрагим Исаев
    Әнін жазған: Мақсат Жәутіков

    Халқы сүйіп ардақтар,
    Сайып қыран саңлақтар.
    Олар елін қорғаса,
    Оларды да ел мақтар.
    Қайсар батырлар, батырлар.
     

    Жатыр жарқын жол алда,
    Бас иеміз оларға.
    Осы бейбіт күн үшін,
    Қарыздармыз соларға.
    Нағыз батырлар, батырлар!
     
    Қайырмасы:

    Асқақтаған аттары,
    Туған елдің мақтаны.
    Қанымен де жанымен,
    Ел абыройын сақтады.
    Олар өшпес жарық күн,
    Тұяғы олар алыптың.
    Арысы да осылар,
    Намысы да халықтың.
     
    Олар өшпес жарық күн,
    Тұяғы олар алыптың.
    Арысы да осылар,
    Намысы да халықтың.
     
    Батырлары елімнің,
    Батырлар...
    Қарасай батыр,
    Бөгенбай батыр,
    Қабанбай батыр,
    Райымбек батыр,
    Суан батыр.
    Нағыз батырлар, батырлар!

    Ән жыр болып төгілдің,
    Жұлдыз болып көріндің.
    Ерліктерің өшпейді,
    Батырлары елімнің.
    Жаса батырлар даңқы!
     
    Асқақтаған аттары,
    Туған елдің мақтаны.
    Қанымен де жанымен,
    Ел абыройын сақтады.
    Олар өшпес жарық күн,
    Тұяғы олар алыптың.
    Арысы да осылар,
    Намысы да халықтың.
     
    Олар өшпес жарық күн,
    Тұяғы олар алыптың.
    Арысы да осылар,
    Намысы да халықтың.
    Мәншүк, Әлия, Роза апа,
    Бауыржан Момыш ұлы,
    Талғат Бигелдинов,
    Бекзат Саттархан,
    Жақсылық Үшкемпір,
    Даулет Тұрлыхан,
    Серік Қонақбай.

    Қайырмасы:

  • audioandfilm/964073_1444495864.mp3

    Ана тілім

    Өлеңін жазған: Сайлаубай Тойлыбаев
    Әнін жазған: Мақсат Жәутіков

    Тілім менің ана тілім,
    Жырым менің ана тілім.
    Көк жүзінде күлімдеген,
    Нұрым менің ана тілім.
     
    Қайырмасы:

    Есімде дала тілім,
    Есімде дана тілім.
    Қазақ үшін құдіретті,
    Әр қашанда ана тілім.
    Балдай тәтті бала тілім,
    Сөзбен тәтті дана тілім.
    Қазақ үшін қасиетті,
    Жаса мәңгі ана тілім.
     
    Сен арқылы тілдесемін,
    Сол тіліміз гүлдесе мың.
    Айналайын ана тілім,
    Арта түспек тілге сенім.

    Қайырмасы:

© 2013, «Онлайн курс казахского языка»

Все права защищены. Любое использование материалов сайта допускается только при письменном разрешении редактора.

Сделано в Web Art Promotion